Mëngjesin e sotëm ndodhi një sherr masiv mes disa grave dhe burrave pranë shkollës ‘Andon Zako Çajupi’ në Tiranë.
Gazetarja Dorjana Bezat bën të ditur se sherri kishte nisur mes dy mësuesve të shkollës së mesme, të cilat ndodheshin në një mëngjesore dhe më pas konfliktit i janë bashkuar edhe të afërmit e tyre.
Si pasojë e përplasjes me sende të forta 4 persona përfunduan në spital me lëndime të ndryshme në trup. Madje në këtë sherr njëri prej të pranishmëve nxori edhe armë dhe qëlloi disa herë në ajër.
Kjo skenë ka shkaktuar panik te banorët, ndërkohë që zona është mjaft e populluar për shkak edhe të bizneseve që gjenden përgjatë rrugës, por edhe të orarit ku në shkollë kishte nisur edhe mësimi dhe kishte prani të nxënësve.
Policia ka bërë shoqërimin e dy personave në komisariat si dhe ka sekuestruar armën e cila u përdor nga qytetari.
