Komisioni i Mbrojtjes Civile në Prefekturën e Kukësit ka dhënë detaje lidhur me operacionin për shuarjen e zjarrit në njësinë administrative Malzi.
Sipas njoftimit të Mbrojtjes Civile, forcat zjarrfikëse kanë mundur të vendosin nën kontroll vatrën e zjarrit duke ulur intensitetin e flakëve.
Për shkak të terrenit të vështirë, ndërhyrja nga toka është e pamundur, ndaj është operuar vetëm me helikopter. Të paktën sot janë bërë 6 hedhje me ujë, ndërsa Prefektura e Kukësit ka kërkuar që të vijojë operacioni nga ajri edhe nesër.
Njoftimi i plotë:
Situata e zjarrit të rënë në Maja Rrunës ( Laku i Mollave dhe Laku i Thive) Nj.Ad Malzi bashkia Kukës është :
Me gjithë punën e bërë nga forcat zjarrfikëse të bashkisë Kukës dhe forcat e DMR-së Kukës për mbajtjen nën kontroll të saj. Si rezultat i ndërhyrjes me Helikopter u rivendos nën kontroll vatra e zjarrit duke i ulur intensitetin zjarrit.
Terreni është shumë i vështirë për të ndërhyrë me forca tokësore, prandaj është e domosdoshme dhe një ndërhyrjes tjetër nga ajri.
Helikopteri sot bëri 6 hedhje me ujë. Nga Prefektura Kukës është bërë kërkesë për ndërhyrje përsëri nga ajri për nesër.
