Ka qënë vertetë një kuriozitet i madh sesi një pjatë ushqimi mund të ishte përkthim i një poezie. Kjo ndodhi në Lezhë dhe këtë e bëri chef Alfred Marku, një prej kuzhinierëve më të mirë shqiptarë.
Ai realizoi 7 pjata që morën frymëzim nga poezitë e autorëve shumë të njohur si Preç Zogaj, Rudolf Marku, Flutura Açka, Mimoza Ahmeti apo Rita Petro. Autorët, që siç duket ishin të bindur për artin e kuzhinës së chef Fradit, e lejuan të ndodhë diçka të tillë dhe kishin bindjen se po ndodhte ajo që duhej. Në një mbrëmje shumë të veçantë mes shumë të ftuarish të veçantë, u serviren pjatat që kishin emrat e poetëve.
Nuk kishte ndjesi më të bukur sesa kur dëgjojë të ftuarit “dua Flutura Açken, dua Mimozen, dua pjatën e Rudolfit, a mund të provoj pjatën Preç Zogaj e sigurisht edhe pjatat Rita, Mhill dhe Alma”. Ishte pikërisht kështu dhe të gjithë ndjeheshin mirë. Pavarsisht distancave të largëta ku ndodheshin autorët lezhjanë Rudol Marku e Preç Zogaj, poetet Mimoza Ahmeti e Fluta Açka, ato ardhën të gjithë në mbrëmje permes teknlogjisë.
Të gjithë realizuan një bashkbisedim online, por të gjithë ishin dakort se ashtu sikundër poetët ishin frymëzuar nga ushqimi për të realizuar kryevepra botërore, ashtu edhe artistët e kuzhinës mund të frymëzoheshin për pjatat e tyre nga poezia. Por kjo, sipas tyre, mund të realizohej vetëm nga një chef që bën art në kuzhinën e tij dhe padiskutim mund të ishte Alfred Marku. Madje për këtë as që kishte asnjë hezitim, por vetëm dëshirë për të provuar pjatën që poezia e secilit poet e kishte frymëzuar. Poezia me sfond social, ajo me ndjesinë e vendlindjes, të emocioneve imagjinare, dashurisë apo erosit zunë vend në pjatat që u realizuan nga chef Fredi. Pas çdo pjate që mbërrinte në tavolinë kishte vetëm kuriozitet të shtuar dhe miratim se poezia ishte realizuar edhe në pjatën e ushqimit dhe me ndjesi të ngjashme.
Lidhja mes poezive dhe pjatave, sipas chef Alfred Marku, ishte jo vetëm nga domëthënia e tyre por edhe mesazhi i përçuar dhe kjo dukej qartazi në pjatat e frymëzuar nga Mhill Marku, Flutura Açka, Rudolf Marku apo Rita Petro. Kjo në fakt ngjalli dëshirën edhe të poetëve të tjerë që të kishin mundësi për të parë në pjatë ushqimi poezinë e tyre. Ishin 4 orë emocione që nuk u ndjenë në minuta por u shijua deri në fund me dëshirën e madhe të secilit për t’u rikthyer dhe provuar krijimet e reja të një kuzhine që prodhon gjithmonë, e kjo është Rapsodia dhe dora e Alfred Markut.
