Policia greke ka zbardhur vrasjen e Caroline Crouch, nënës së re të lindur dhe e rritur në Greqi, por me shtetësi britanike.
Sipas raportimeve nga mediat greke, policia ka në dispozicion informacion të mjaftueshëm që dokumenton se vrasësi i 20-vjeçares Caroline, është burri i saj Charalambos Anagnostopoulos.
“Charalambos Anagnostopoulos, burri i 20-vjeçares Caroline Crouch, sipas informacionit në dispozicion të policisë është vrasësi i saj”.
Në këtë konkluzion arrti policia greke në bazë të provave dhe analizave me ndihmën e teknologjisë së të dhënave të aparatit celular, telefonat e çiftit dhe orës biometrike të viktimës.
Por çfarë kishte ndodhur mes tyre?
Karoline Crouch kishte bërë gati letrat që të depozitonte në gjykatë kërkesën për tu divorcuar nga bashkëshorti i saj, piloti 32-vjeçar që tashmë është vënë në pranga. Mediat greke shkruajnë se e reja kohët e fundit donte të largohej nga shtëpia bashkë me vajzën dhe se ishte vënë në kërkim të një hoteli.
Edhe mesazhet e zbuluar në telefonat e të dyve, kanë treguar se Karoline dhe i shoqi janë grindur vetëm pak orë para krimit të rëndë.
