Pas nje fushate te mire por qe nuk fitoi Lulezim Basha me ne fund do mund te behej nje lider i mirefillte dhe i shume-pelqyer.
Sapo doli ne ekran prita qe te thoshte:
“Beme nje fushate te bukur por nuk ia dolem. Nuk ia dolem se nuk frymezuam mjaftueshem sa per te shuar vjedhjet aty ketu, blerjet ne sedilje makinash, manipulimet apo premtimet per favore nga administrata. Nuk zbrapsem dot me frymen tone gjithe makinerine e pushtetit te Rames. Pergjegjesite secili i fillon nga vetja dhe une jam pergjegjes per te gjitha gjerat qe nuk shkuan si duhet ndersa per suksesin dhe rritjen me 150 mije vota merita eshte e te gjithe juve.
Une do kthehem ne rresht me gjithe deputetet dhe do mbeshtes drejtuesin e ri te PD, kushdo qe do te jete pa ndikuar apo influencuar ne asnje emer.
Uroj kundershtarin per fitoren.
Por i kujtoj qe detyra jone si opozite eshte qe ti faktojme cdo deformim vote apo sistemi dhe pas urimit te sotem qe neser do na kete perballe.
Ne e refuzojme vjedhjen si model demokracie. Duke luftuar per drejtesi ne zgjedhje do ndihmojme dhe PS kur te jete ajo ne opozite. Duke qene perballe pushtetit jemi me te dobishem per Shqiperine se perkrah tij.
Jo pas nje viti, por qe neser do te fillojme te lobojme per nje sistem proporcional kombetar me lista te hapura dhe qe pas perzgjedhjes se kryetarit te ri te PD do te zgjedhim kandidatet per kryetare bashkie per zgjedhjet lokale.
Gabimet tona dhe sidomos te miat – nuk duhet te perseriten. Fushata per zgjedhjet e ardhshme fillon te nesermen e mbarimit te nje fushate per nje parti.
Konkurenca ben politikanet me te pergjegjshem dhe Shqiperine me te mire. Shpresoj qe si me punen time keto 8 vite me defekte dhe te mirat, me gabimet dhe arritjet si dhe me kete akt doreheqjeje kam kontribuar sadopak ne vlerat e opozites.
Ju faleminderit”
Por Lulezim Basha me Xhelal Mziun ne sfondin paresor, tha se beteja sapo ka filluar duke zhbere 600 e ca mije votat qe mori si lider europian. Mori peng PD per te mos hequr dore nga deshira per tu bere kryeminister. Do e mbaj PD ne humbje qe te mos dale nga zyra e kryetarit e te rrije tek zyra e kryesise.
E mori peng se ne zgjedhjet e tjera te djathtet me elektrifikim truri do te shohin serish nje humbes qe nuk u largua me nderin e fitimtarit por qendroi si fitimtar pasi humbi.
Nje PD frymezuese do ishte me nje staf te ri sic ndodh ne partite kryesore europiane ku elita humbese zevendesohet nga nje grupim i ri dhe mes tyre shndriti nje menaxher i mire si Agron Shehaj (si demokrati me i votuar ne Tirane).
Ne ato pak dalje publike (pasi nuk e njoh nga afer) kemi pare nje njeri qe mund te organizoje nje formacion politik me nje menaxhim te ri dhe me staf energjik.
Mbi 600 e ca mije vota qe mblodhi Basha do kishin trend rritjeje ne drejtimin e nje lideri te ri si Shehaj qe nuk lidhet me PD e vjeter.
Vetem nje PD e Re mund ta mund Ramen e vjeter…
Nga | Rezart Lahi
