Moti i keq në Malin e Zi disa qytete turistike malore pa energji elektrike
Kolašin, Andrijevica, Plav e Gusinje
Zona e komunës së Kolašin aktualisht është pa furnizim me energji elektrike për shkak të kushteve jashtëzakonisht të këqija të motit, u njoftua sonte nga Sistemi i Shpërndarjes së Energjisë Elektrike në Mal të Zi (CEDIS).
Siç thanë ata, mosfunksionimi ndodhi në linjën e transmetimit “Kolaçin – Mojkovac”.
“Skuadrat janë në terren dhe pavarësisht kushteve të këqija të motit, ata do të përpiqen të gjejnë dhe riparojnë defektin,” deklaroi CEDIS në Facebook.
Ata shtojnë se, për shkak të problemeve në rrjetin e ndërmarrjes Crnogorski elektroprenosni sistem (CGES), Andrijevica, Plav dhe Gusinje janë pa furnizim me energji elektrike.
Kompania deklaroi më herët se për shkak të stuhisë së motit me shi erë e fortë dhe dëborë, e cila preku tërë Malin e Zi, pjesa veriore e vendit ishte pjesërisht pa furnizim me energji elektrike.
“Bora e dendur, e cila është veçanërisht problematike për rrjetin sepse krijon ngarkesë shtesë në përçuesit ka krijuar probleme sot në të gjithë rajonin verior të Malit të Zi. Ekipet kanë qenë në terren që nga mëngjesin e sotëm duke punuar për të stabilizuar situatën e krijuar.
