Mbrëmjen e djeshme të ftuar në emisionin ‘Opinion’ Klodiana Lala dhe Artan Hoxha komentuan vrasjen e Brandon Bregut nga Lushnja, i cili u qëllua për vdekje me 5 plumba në Spanjë.
Gazetarja Lala u shpreh se 42-vjeçari ka pasur probleme me rivalët në Spanjë pasi në të kundërt do ta ekzekutonin në Shqipëri.
Ndërsa gazetari Hoxha, u shpreh se grupet shqiptare jashtë kanë fituar territor dhe se shpreson që të mos bashkohen së bashku, për të krijuar një kartel të mirëfilltë.
PJESË NGA BISEDA:
Klodiana Lala: Nëse kanë probleme me grupet shqiptare i vrasin këtu kur vijnë për festa. Në rastin konkret grupi i Bregut ka pasur përplasje me marokenët. Pra nëse vriten jashtë kanë prekur interesa shumë të mëdha.
Artan Hoxha: Alicante është porta më e madhe e futjes së drograve. Në momentin që do të krijohet një kartel i vërtetë në Shqipëri do e shohim shumë ndryshe. Larg qoftë nëse bëhen bashkë.
