Një javë kushtuar turizmit malor si një mundësi më shumë për të zhvilluar këtë sektor. Kjo është nisma e Drejtorisë së Turizmit dhe Kulturëes në Bashkinë e Lezhës që do të përmbyllet në Ditën Ndërkombëtare të Turizmt malorë.
Identifikimi i resurseve turistike malore, vendosja e sinjalistikës orientuese, krijimi i shtigjeve malore, vendosja e tyre në hartë si dhe vendosja e një harte informuese në Njësitë Administrative ku janë të përqëendruara këto asete të turizmit malor do të përbëjë edhe fokusin e veprimtarisë së specialistëve të turizmit në këtë bashki gjatë kësaj jave.
Resurset në Njësinë Administrative të Kolshit, ato të Kallmetit e Ungrejit do të vendosen gjatë kësaj periudhë në vëmendje për promovimin e tyre duke përfshirë edhe elementët kulturor e historik të këtyre zonave për ta bërë edhe me atraktive destinacionin malor. Pas përfundimit të sezonit veror, vëmendja e Drejtorisë së Turizmit e Kulturës është përqendruar tek mundësitë e zhvillimit të turizmit malor si një element shumë pak i marrë në konsideratë por që mund të prodhojë mundësi të mira për të tërhequr një numëër më të lartë vizitorësh e turistësh.
Monumente natyre e të kulturës si rrepet e Kolshit, rrapi i Grykës, kisha e Shelbuemit, Teqeja N’sulti, dritarja tektonike e Manatisë, Kisha e Shen Mhillit, Shpella e Hutit, kisha e Shen Premtes, burimi i Vokles, shpella e Sukës së vogël, shpella e Cingares, Maja e Velës, Qafa e dy Velave, maja e Shehit të Velës në Njësinë Kolsh apo Zoja e Velës kepi i Kështjellit, burgu i hajdarit apo Pylli e Shen Eufemië në Kallmet si dhe vlera historike e kulture në njësinë Ungrej si Kisha e Kalivaçit, Kështjella e Kastrit, Tumat në qendër të Kalivaçit, Lagjja “Kodër” e Kalivaçit, Suka e Kastrës, Kulla e Përgjonve, masivi pyjor ndërmjet Kalivaçit dhe Zimajve, hurdha e Mushkut, mullini i Preng Markut, kulla e Dodë Zefit, kulla e Pjetër Ndrec Pjetrit, kulla e Ndue Gjin Picës, kulla e Përpalajve, kulla e Preng Zef Nikollit, hurdha e Valanecës, Qela e Kashnjetit, pylli i Kishës, kulla e Gjon Preng Kolës, rezervuari i Kashnjetit, kodra e Fizve, kroi i Kuçajve, masivi pyjor i Qafës së Pazarit, kulla e Kolushëve, qela në Ungrej, kulla e Marka Preng Dodës, kulla e Gjin Lushit, kulla e Ndue Zef Dedës, rumat Ilire apo edhe kulla e Marka Kolë janë element që do të bëjnë udhëtimin tuaj mjaft interesantë.
Prodhimet tipike vendase do jenë pjesë e tryezës tuaj në restorantet që do të zgjidhni pas zbritjes nga destinacioni malor duke e shenjuar ditën tuaj si shumë të veçantë. Drejtori i Turizmit dhe Kulturës në Bashkinë e Lezhës,
Renaldo Xhanej, thotë për këtë zgjedhje të bërë prej tyre se po synohet që të krijohen lehtësi për vizitorët e turistët por nga ana tjetër edhe për të nxitur orientimin e banorëve drejt turizmit malor e në verë kjo të sherbejë si një alternativë më shumë për pushuesit. Krijimi dhe promovimi i shtigjeve sëbashku me itenerare të tjerë që prekin pikërisht zonat malore do të korninohet edhe me elementët që përbëjnë në tërësi zonën në mënyrë që të shtohet interesi për ti vizituar ato.
Sinjalistika si një domosdoshmëri për të orientuar lëvizjen e vizitorëve e shoqëruar edhe me informacionin e nevojshëm për zonën, asetet dhe prezantimin e rrezikshmërisë për destinacionin duke e promovuar në mënyrën e duhur besojmë se do të ndikojë në rritjen e numrit të vizitorëve e turistëve edhe jashtë sezonit turistik veror, por do t’a bëjë Lezhën një destinacion të kërkuar edhe për turizmin malor – ka thënë Xhanej për këto përgatitje që po bëhen nga Bashkia e Lezhës.
Sipas tijë do të vijohet me vendosjen e sinjalistikës në çdo destinacion, në mënyrë që të kompletohet një sherbim i nevojshëm për vizitorët e turistët dhe orientimin e tyre ndërsa do të jenë në Lezhë.
Pavarsisht vështërsive dhe problematikave me të cilat u përballëm gjatë vitit 2020, në Bashkinë e Lezhës, ka vijuar vendosja e sinjalistikës turistike si dhe shenjimi i shtigjeve të ndryshme duke i bërë këto destinacione dhe atraksione turistike të gjurmueshme, lehtësisht të arritshme dhe duke afruar informacionin e nevojshëm për to. Elementë turistik që përgjithsisht ekzistojnë vetëm në dokumente zyrtare, tani po synohet që të sillen më pranë vizitorëve e turistëve dhe për ti prezantuar ato sa më shumë që të jetë e mundur
