Këtë të martë u luajtën takimet e para të fazës së grupeve të Champions Leauge. Karakteristikë e takimeve ishin penalltitë dhe autogolat. Ndeshja mes PSG dhe Manchester United u mbyll me rezultatin 1-2. Golat për United u shënuan nga Bruno Fernandes, i cili çau rrjetën në minutën e 24 me një penallti. Më pas shënoi Marcus Rashford.
Nëse nuk do të bënte autogol Anthony Martial, fitorja për Manchester United do të ishte e pastër, 2-0. Nga ana tjetër, Lazio mundi me rezultatin 3-1 Borussia e Dortmundit. Golat për Lazion e Strakoshës u dhuruan nga Ciro Immobile e Jean-Daniel Akpa-Akpro. Për Lazion “mendoi” edhe Marëin Hitz i Dortmundit, i cili bëri autogol në minutën e 23.
Ndërsa gëzim për tifozët e Dortmundit solli Erling Braut Haaland. Nga ana tjetër, Barcelona nuk zhgënjeu përballë Ferencvaroshit të Myrto Uzunit. Katalanasit fituan me goleadë 5-1. I pari që nisi serinë e golave ishte Messi në minutën e 27, që shënoi me penallti.
Më pas shkëlqyen edhe Ansu Fati, Philippe Coutinho e Pedri. Në minutën e 68 Pique doli me karton të kuq dhe penalltia më pas u përkthye në gol për Ferencvaroshin. Për të shënoi Igor Kharatin.
Myrto Uzuni nuk luajti sepse doli pozitiv me koronavirus. Chelsea-Sevilla u mbyll në paqe me rezultatin 0-0, Rennes-Krasnodar 1-1, kurse Leipzig- Basaksehir 2-0
