Partia Agrare Ambientaliste ka lëshuar një deklaratë për mediat ku rendit tre nga arsyet kryesore se përse qeveria duhet të japë paketën e trete të ndihmës ekonomike.
Sipas PAA goditja që pësoi Shqipëria nga pandemia do të rritet dhe kësisoj edhe varfëria. PAA shkruan më tej se qeveria jo vetëm po tregohet e papërgjegjshme por është duke kryer një kr im moral dhe ligjor ndaj atyre që mezi po i mbijetojnë kësaj krize.
Tre janë arsyet kryesore:
1. Ekonomia europiane po mbyllet gradualisht. Goditja e ekonomisë shqiptare nga pandemia do të rritet. Kjo do të prodhojë më shumë të papunësi dhe varfëri.
2. Banka Botërore paralajmëron se rreth 41.5% e shqiptarëve përballen me nivele varfërie ku një pjesë shumë lehtë mund të bien në nivelin e varfërisë mbijetuese.
3. Biznesi duhet mbështetur që të mbajë një pjesë të punonjësve dhe të strukturohet për tu bërë më konkurues.
Çdo kundërshtim i qeverisë për paketat ndihmëse ndaj të papunëve të varfërve dhe biznesit është jo vetëm papërgjegjshmëri qeverisëse por edhe një kr im moral dhe ligjor ndaj atyre që mezi po i mbijetojnë kësaj krize.
Kohezioni dhe solidariteti social janë vlera humane të shoqërive demokratike. Braktisja e qeverisë për të mbështetur të papunët dhe të varfërit shton braktisjen e vendit dhe varfërimin e tij.
