Ka shkuar në 380 numri i personave që kanë humbur jetën nga koronavirusi në Shqipëri. Këtë të hënë humbën jetën edhe tre pacientë të tjerë të gjithë me sëmundje bashkëshoqëruese.
Marjeta Dervishi nga Ministria e Shëndetësisë deklaroi se e humbën betejën me virusin një 58 vjeçare nga Tirana një 63 vjeçar nga Lushnja dhe një 66 vjeçar nga Fieri.
Nga ana tjetër nga 824 persona të testuar në orët e fundit u konfirmuan pozitivë 132 persona. Sa u takon të shëruarve këtë fillimjave ishin 95.
Kurse në dy spitalet Covid janë të shtruar 185 pacientë duke shënuar kështu një rritje krahasuar me ditët e tjera. Nga të shtruarit 16 janë në terapi intensive dhe katër të intubuar.
