Një aksident i rëndë është shënuar mesditën e sotme në Golem, ku humbi jetën një grua dhe u plagos rëndë vajza e saj me nusen e djalit.
Ka qenë ora rreth 12 kur makina me të cilën po udhëtonte nëna me vajzën dhe nusen e djalit u gërvisht me një kamion në Golem. Dy makinat kanë ndaluar dhe drejtuesit kanë njoftuar policinë për të sqaruar rrethanat.
Por në këtë moment një makinë me shpejtësi ka përplasur nënën me nusen dhe vajzën. Përplasja ishte fatale për gruan që humbi jetën në vend nga goditja.
Viktima është me iniciale LD banuese në Tiranë. Vajza dhe nusja e viktimës janë ndërguar në spital të plagosura jashtë rrezikut për jetën. Për shkak të aksidentit është krijuar radhë e gjatë makinash në aksin Plepa – Rogozhinë.
