Lëvizja për Universitetin është stacionuar para Ministrisë së Arsimit në nisjen e vitit të ri akademik.
Sipas kësaj lëvizjeje, nisja e vitit të ri akademik do të përkojë me nisjen e protestave. Ata këmbëngulin për plotësimin e disa kërkesave, sipas tyre, ende të parealizuara nga qeveria dhe universitetet.
Kërkesa kryesore mbetet anulimi i ligjit të arsimit të lartë, dyfishimi i buxhetit për universitetet dhe heqja e tarifës për masterin.
Karta e Studentit është vetëm për muze dhe nuk ofron asnjë ndihmë qirasë, ushqimeve, rrobave, librave dhe transportit ndërqytetas.
Buxheti për arsimin është ulur rreth 3 milionë euro, abuzimet e pedagogëve të korruptuar vazhdojnë si më parë. Ne do të vazhdojmë betejën dhe nuk do të ndalemi derisa të përmbyset ligji, thotë një nga studentet. Na pret një dimër i gjatë përpara, shtoi përfaqësuesja.
