Sapo ka nisur nata e parë e DWM, menjëherë kanë rënë në sy personazhet që, jashtë profilit të tyre, sfidojnë veten në një fushë të re, por edhe i tregojnë publikut pasionin që kanë për kërcimin.
Në kast, këtë vit është edhe ai që të gjithë e njohin si kaubojsi i Parlamentit, Eduart Ndocaj. Shumë ndryshe nga profili politik apo nga kostumi që veshin të gjithë politikanët, Ndocaj është personazhi që na ka treguar të gjithëve se politika mund të jetë ndryshe.
Jo vetëm për idetë dhe parimet e tij demokratike, pavarësisht ngjyrimeve apo kaheve politike, por edhe për paraqitjen e jashtme stilin unik dhe origjinalitetin që e karakterizon. Në DWM ai vjen të sfidojë veten në një fushë të artit që për të nuk është pikë e fortë, megjithatë me siguri do të shfaqë më të mirën e vetes.
Por para se të firmoste kontratën me DWM, Eduarti nuk e ka pasur edhe aq të lehtë. Pengesë, paska qenë bashkëshortja. Nëse po mendoni si shkak partneren, jo.
Sapo ka mbaruar kërcimin e parë me Kejvinën, Eduarti, i pyetur nga Gent Zenalaj se ç’i kishte thënë bashkëshortja para se të pranonte ftesën në DWM, u mendua pak dhe tha Kur jam nisur për në Parlament, sma ka pasur merakun, por këtë herë më porositi shiko, por mos provoko, tha ai.
