Saimir Tahiri bashkë me avokatin e tij Maks Haxhia duke dalë Gjykata e Krimeve të Rënda
Gjykata e Krimeve të Rënda e deklaron të mbyllur shqyrtimin e çështjes ‘Tahiri’.
Trupi gjykues është tërhequr për të marrë vendimin që do të jepet në orën 16:00.
Ndërkaq, Tahiri ka dalë jashtë ambienteve të gjykatës ku ka përshëndetur simpatizantët e shumtë që po presin me ankth vendimin dhe i shprehin mbështetjen.
“Ti je i pafajshëm, kampion”, brohorasin simpatizantët.
Këto janë orë vendimtare dhe tejet të rëndësishme për ish-ministrin i cili edhe në sallën e gjyqit është shprehur se kjo se seancë nuk është thjesht statistikë.
“Këtu bëhet fjalë për jetën time”, është shprehur Tahiri.
