Ceremonia e 77 vjetorit të Konferencës së Pezës ka “përplasur” kryebashkiakun Erion Veliaj me preisdentin Ilir Meta në lidhje me krizën politike në vend.
Pas apelit të bërë nga kreu i shteit se politika duhet të dialogojë me qëllim integrimin e vendit në BE, reagoi edhe Veliaj.
Në fjalën e mbajtur para të pranishmëve, kryebashkiaku u shpreh se bie dakord me presidentin ndërsa kërkoi pluralizëm në çdo fushë.
“Shpesh them 1001 të zeza me njëri-tjetrin, jo vetëm në kafene po edhe në debate politike, por mos harrojmë të themi disa të mira për njëri-tjetrin. Presidenti e tha me të drejtë, ka qenë edhe një hapësirë pluralizmi, të gjithë e dimë që ishte në Pezë, po vetëm partizanët vajtën shkrepën armët. Pushka sot nuk është vetëm plumb, është edhe fjala. Pluralizëm po kudo në çdo fushë, nuk mundet të kemi pluralizëm në tavolinë dhe vetëm partizantë në luftë.”
Por kjo deklaratë duket se nuk u pëlqye nga ana e Metës, I cili tha para mediave se kush ka paqartësi në lidhje me respektimin e pluralizmit nga institucionet të lexojë raportin e OSBE/ODIHR.
“Nuk ka patur asnjë institucion më koherent në respektimin e pluralizmit, bashkëpunimit sesa Presidenti i Republikës. Kush ka paqartësi të lexojë raportin e OSBE/ODIHR”
