Policia e Shtetit dha një informacion paraprak në lidhje me punëtorin që humbi jetën paraditen e kësaj të shtune në Tiranë.
Ngjarja ndodhi në në rrugën “5 Maji” aty ku shtetasi me iniciale J.M ishte duke punuar në një pallat që po ndërtohej.
Sipas uniformave blu, viktima ka humbur ekuilibrin dhe ka rënë nga lartësia.
Rreth orës 09:00, në rrugën “5 Maji”, në një objekt në ndërtim, shtetasi J. M. 66 vjeç, dyshohet se ka humbur ekulibrin, dhe pêr pasojë ështê dëmtuar në kokë, duke gjetur vdekjen.
Grupi hetimor nën drejtimin e Prokurorisë po punon për sqarimin e rrethanave të ngjarjes.
