Një autobus me 18 pasagjerë është marrë peng këtë të martë në Rio de Janiero në Brazil nga një person.
Mediat e huaja raportojnë se pengmarrësi kërcënon se do I vërë zjarrin autobusit ndërsa nuk ka bërë ende një kërkesë se çfarë dëshiron.
Pengmarrësi është identifikuar si një ish-polic ushtarak ndërsa ka me vete një armë zjarri, një thikë dhe një shishe benzinë.
Agjentët e policisë kanë rrethuar autobusin dhe po negociojnë me pengmarrësin për lirimin e pengjeve nga ku deri në këto moment janë liruar 4 gra dhe 2 burra.
