Zjarr në oborrin e disa banesave, rëndohet situata

369

Vatrat e zjarreve vazhdojnë të shoqërojnë periudhën me temperatura të larta të kësaj vere. Një tjetër zjarr është shfaqur të hënën rreth mesditës, këtë herë edhe më pranë qytetit të Korçës.

Vatra e këtij zjarri ka qënë te një sipërfaqe toke të oborrit të banesave pranë ish Ndërmarjes artistike. Edhe pse në përmasa të vogla, kjo vatër zjarri e krijuar në afërsi të disa lokaleve me frekuentim të lartë ka krijuar një situatë alarmi.

Shërbimi zjarrfikës i bashkisë Korçë ndërhyri me shpejtësi për shuarjen e zjarrit, pasi përhapja e tij rrezikonte disa banesa me familje të komunitetit rom.

Ende nuk dihen rethanat e rënies të këtij zjarri, por mendohet se ai është shkaktuar nga pakujdesia.