Tashmë dihet se Erik Lloshi dhe Romina do ti japin fund beqarisë. Këtë të shtunë do të zhvillohet ceremonia dhe dasma e shumëpritur e këngëtarit të njohur dhe partneres së tij prej disa vitesh. Romina dhe Eriku do i japin fund beqarisë në 17 gusht në ambjentet e një kompleksi në periferi të Tiranës.
Të ftuar në dasmë do të jenë shumë artistë, emra të njohur në fushën e muzikës dhe televizionit si dhe bashkëpunëtorët më të ngushtë të këngëtarit të njohur.
Eriku dhe Romina ia kanë besuar ditën e tyre më të lumtur Aurela Gaçes. Do të jetë pikërisht këngëtarja e njohur ajo që do të mbajë atmosferën gjallë dhe që do të këndojë në dasmën e çiftit. E ndërkohë që dasma është shumë pranë Eriku vazhdon të jetë i përqëndruar në punë. Aktualisht ai po performon tek Maratona e Këngës e cila shëtit në qytetet kryesore të Shqipërisë.
