Një tjetër çift i njohur në showbizin shqiptar ka vendosur të kurorëzojë dashurinë. Marsela Çibukaj dhe Vitmar Basha do të martohen së shpejti. Lajmin e bukur e ka zbuluar vetë gazetari Eraldo Rexho në një intervistë për Edicionin Veror që transmetohet në ABC News.
I pyetur nga gazetarët e emisionit, Eraldo tregoi planet e afërta të çiftit për të celebruar dashurinë e tyre. Kujtojmë që këngëtarët pranuan romancën në fillim të muajit shkurt, pas disa aludimeve nëpër media.
Më pas, vetë Vitmari tregoi në një intervistë se motivi i tij për albumin e ri është pikërisht Marsela, duke e cilësuar këngëtaren si shtysa dhe muza e tij në muzikë.
