Sot një vit më parë, moderatori i njohur Ardit Gjebrea u përball me humbjen e një prej njerive më të shtrenjtë për të, nënës së tij. Ditën kur e ëma ndërroi jetë Arditi u shpreh se nuk do të mësohej kurrë me ikjen e saj, dhe mesa duket edhe sot që bëhet një vit nga ajo ditë, dhimbja vazhdon të mbetet po njësoj për moderatorin.
Kështu, pëpërmjet një postimi të bërë pak më parë në Instagram Arditi ka kujtuar nënën e tij dhe mungesën e saj përgjatë këtij viti me një dedikim emocionues.
Sa shpejt iku 1 vit mam, sa gjëra kanë ndodhur e po ndodhin mam, a qesh ti me to? A mërzitesh ti? A nuk më tregon pak se çfarë bëhet aty ku jeton ti? A takohen me njëri tjetrin ata që nuk janë më dhe a qeshin me të kotat e zënkave, apo janë penduar për mëkatet që kanë lënë mbi tokë dhe do donin ti çbënin?
Kur ike ti, mua mu shemb bota, shtëpia nuk është njësoj. Nuk ka ditë që kur dal nga shtëpia kthej kokën aty, tek korridori ku ti më thua: mirupafshim dhe më puth me dorë dhe çdo ditë unë aty të kam, duke ma bekuar ditën. Je aty mam, je kudo, çdo ditë. dhe prapë më mungon, sa shumë më mungon, shkruan moderatori në mbishkrimin që shoqëron foton e nënës së tij.
