Një gjykatë ndërkombëtare kohët e fundit vendosi se qeveria shqiptare është fajtore për përndjekjen politike dhe për sjelljen e saj korruptive dhe të padrejtë ndaj sipërmarrësit Francesco Becchetti
Becchetti, që aktualisht banon në Londër, është pronar i Agon Channel, një stacion televiziv që transmeton nga Shqipëria, i cili punëson më shumë se 500 njerëz në Shqipëri. Televisioni i drejtuar nga Becchetti kishte marrë një pozicion kritik ndaj qeverisë shqiptare dhe kryeministrit, Edi Rama.
Gjykata ndërkombëtare doli në konkluzionin se qeveria Rama lëshoi një urdhër-arresti të pamotivuar politikisht kundër z. Becchetti dhe ortakut të tij në biznes, duke i akuzuar ata për evazion fiskal, falsifikim dokumentash, përvetësim dhe pastrim parash, duke kërkuar gjithashtu ekstradimin e tij nga Mbretëria e Bashkuar.
Gjatë arbitrimit, gjykatat e Londrës kishin refuzuar tashmë kërkesat e ekstradimit shqiptar, duke i konsideruar ato një abuzim serioz dhe Interpol kishte tërhequr urdhrat e arrestit ndërkombëtar kundër Becchetti dhe partnerit të tij të biznesit, De Renzis, pasi Shqipëria nuk ishte në gjendje t’i justifikonte ato.
Gjykata dënoi Shqipërinë për shpronësimin e paligjshëm të stacionit Agon Channel, në shkelje të traktatit të investimeve bilaterale midis Italisë dhe Shqipërisë, dhe urdhëroi pagimin e 140 milion eurove si kompensim ndaj Francesco, shkruam tej affaritaliani.it.
