Nëse deri më sot kemi thënë më kot se përmbytjet kanë shkuar deri në fyt, gazetari pakistanez e përjetoi vërtetë një situatë të tillë dhe jo në një situatë normale por të pazakontë.
Azadar Hussain, raportoi live nga një zonë e përmbytur në Pakistan, ku qëndroi i zhytur në ujë dhe i dukej vetëm koka dhe mikrofoni.
Në rajonin e Jhakkar Imam Shah, niveli i lumit Indus është vazhdimisht në rritje dhe ka përmbytur mijëra hektarë tokë bujqësore, tha reporteri gjatë lidhjes direkte me studion e lajmeve.
Raportimi i tij solli shumë komente në mediet sociale dhe jo vetëm. Shumë persona komentuan sigurinë e rrezikuar të gazetarit, ndërsa të tjerë e panë si një standard të ri të raportimit të lajmeve.
