Variçet trajtohen në mënyra të ndryshme, duke filluar nga metoda më e vjetër që është kirurgjia, e deri te trajtimi termik e skleroterapia. Po kështu, mund të trajtohen në kushte shtëpie, sigurisht si një masë parandaluese ose së paku lehtësuese.
Farat e domateve. Pjesa e brendshme e domates bën efektin e aspirinës dhe nëse e aplikoni çdo ditë në variçet tuaja do të parandaloni zhvillimin apo përkeqësimin e tyre. Lyejini këmbët rreth 4 herë në ditë për të paktën 2 muaj me radhë.
Mes qindra përfitimeve që marrim nga vaji i ullirit, roli i tij si anti-inflamator është posaçerisht për kurimin e variçeve. Në përbërje të tij ka vitaminë E, minerale dhe Omega 3.
Limon, hurdhë dhe vaj ulliri. Merrni disa thelpinj dhe shtypini derisa të kthehen në formë mase. Pastaj hidhni pak vaj ulliri dhe limon. Lërini për 10-12 orë dhe më pas me anën e një pambuku aplikojeni në atë zonë 2 herë në ditë për të paktën 1 muaj.
Lakra ndihmon gjithashtu në përmirësimin dhe forcimin e venave. Merrni 3 shtresa të saj dhe vendosini në një blender. Me lëngun që do të përftohet lyejini këmbët 3 herë në ditë.
Majdanoz dhe ujë trëndafili. Merrni një dorë majdanoz dhe vendoseni në një tigan. Shtoni pak ujë aty dhe lërini të ziejnë për 5 minuta. Hiqeni nga soba, mbulojeni dhe lëreni ashtu derisa të ftohet pak. Merrni lëngun e lëshuar nga majdanozi dhe miksojeni me ujin e trëndafilit. Me pambuk lyeni zonën më të dukshme me variçe për rreth 2 herë në ditë për disa muaj. Më pas shpëlajeni këmbën me ujë të vakët.
