Brunilda Lahes dhe Arjon Muçës këtë sezon ju besua drejtimi i emisionit të përjavshëm My Living në platformën televizive Tring. Në fakt kjo ishte një eksperiencë e re për Arjonin, sepse Bruna kishte 4 vite që prezantonte tek të gjithë shqiptarët stile të ndryshme jetese.
Ditën e nesërme pritet të transmetohet puntata e fundit e emisionit, që nga viti tjetër do të vijë me ndryshime. Në promon e emisionit prezantohen personazhet e kësaj jave dhe në fund të tij Bruna zbulon se nuk do të jetë më pjesë e My Living. Prezantuesja, që gjithmonë ka transmetuar pozitivitet, ka treguar se rrugëtimi i saj përfundon, por jo misioni i My Living.
E emocionuar Brunilda shprehet, Në sezonin e ardhshëm do të ketë ndryshime. Unë nuk do të jem moderatorja e programit, por ky projekt është përtej meje. Jam e bindur se ju do të jetoni bukur, do të jetoni me Living.
Moderatorja simpatike ka bërë dhe një postim në Instagram, ku nuk ka harruar të falenderojë të gjithë ata që i dhanë jetë programit, të cilin e cilëson si një eksperiencë të jashtëzakonshme.
Brunilda nuk ka treguar se çfarë do të ndodhë me të në sezonin e ardhshëm, sepse gjithçka pritet të zbulohet me kalimin e kohës. Moderatorja e njohur ka shumë vite që është prezente në ekran dhe gjithmonë ka qenë pjesë e pandarë e televizionit Vizion Plus.
