Presidenti i Republikës këtë të premte nga Durrësi sërish ka sulmuar sjelljen e qeverisë dhe ka kritikuar opozitën.
Kreu i shtetit në fjalën e tij nga Durrësi është shprehur se shqetësimi më i madh për të është i gjithë teatri i madh politik, që kërcënon që Shqipërinë të thërrmojë cdo mundësi për të çelur negociatat në tetor.
Më shqetëson shumë ky teatri i madh politik, që kërcënon që Shqipërinë të thërrmojë cdo mundësi për të çelur negociatat në tetor. Prandaj u bëj thirrje që ti japin fund dhe të marrin masa për zgjedhjet vendore në 13 Tetor. Qytetarët kanë nevojë të kenë qetësi dhe zgjedhje legjitime. Nuk kemi kohë, jo vetëm për të parandaluar përshkallëzimin e kësaj situate. Sot kemi një parlament që nuk jep llogari para askujt, një shumicë që kontrollon gjithcka, një situatë kaotike në të gjitha drejtimet, përgjegjësi e të gjitha palëve, asnjë nuk mund të shfajësohet, opozita ka pasur mundësi për për të parandaluar shumë nga këto marrëzitë e kapjes së institucioneve. Shqipëria nuk mund të ecë në dy rrugë që nuk takohen me njëra tjetrën; rruga e kapjes së institucioneve dhe delegjitimimit të të gjitha institucioneve.
Presidenti Meta është shprehur se i ka dërguar një letër Sekretarit të OSBE , por edhe kreut të ardhshëm të OSBE, për të kërkuar ndihmë në lidhje me situatën në të cilën ndodhemi.
Meqenese Shqipëria përgatitet të marrë kryesimin e OSBE vitin e ardhshëm, i kërkoj për të negociuar me të dy palët për një zgjidhje të shpejtë, pasi nuk kemi kohë, jo vetëm për të parandaluar përshkallëzimin e situatës së pafavorshme për qytetarët por edhe për një vend që duhet të jetë shembull për funksionimin e institucneve demokratike”.
