Sali Berisha, një prej figurave politike në vend ka dhënë një intervistë për emisionin Opinion të gazetarit Blendi Fevziu në preg të zgjedhjeve lokale të vitit 2000.
Gjatë intervistës Berisha u shpreh se do të merrte çdo përgjegjësi dhe se do të njihte çdo rezultat nëse zgjedhjet do të ishin të ndershme.
Unë do të marr pjesë intensive në këtë fushatë për të marrë të gjitha përgjegjësitë për alternativën e PD, platformën e saj dhe kandidatët. Kjo fushatë ka rëndësi të jashtëzakonshme, kutitë e votimit janë kutitë e fatit.
Më 1 Tetor ne do të vendosim nëse duam të qeverisemi nga qeveritarët e rekordeve të zeza të këtij vendi apo nga ana tjetër. Unë e shoh të shkruar në ballin e qytetarëve shqiptar që shqiptarët do të ndryshojnë me votën e tyre Shqipërinë.
Jam deklaruar se do të marr çdo përgjegjësi dhe nëse zgjidhjet do të jenë të ndershme do të njoh çdo rezultat. Mund të them se kam marrë përgjegjësinë e plotë që fitojë me bindje të thellë, por këto po i shtyjnë çdo ditë zgjedhjet tha Berisha. /tvklan
