Artisti nga Kosova Genc Prelvukaj ka një karrierë të gjatë muzikore, duke qenë se ka nisur të këndojë qysh në moshën e adoleshencës.
Sot 37 vjeç Genci numëron dhjetra hite. Së fundmi duket se në jetën personale Prelvukaj është më i qetë e më i lumtur se asnjëherë, pas shpalljes së fejesës me këngëtaren shqiptare Eni Koçi.
Për ata që nuk e dinë, Genci ka qenë i martuar shumë vite më parë me ish partneren Arta, marrëdhënie nga e cila ka ardhur në jetë edhe djali i çiftit i quajtur Gjin.
Gjini është 14 vjeç, e ndonëse babai i tij ka një marrëdhënie të ngushtë me të, postimet e këngëtarit me të birin në rrjete sociale janë tejet të rralla.
Duket se edhe me të fejuarën e babait, Gjini ka një marrëdhënie shumë të mirë duke qenë se ai dhe Eni ndjekin njëri tjetrin në rrjete sociale.
