Fustani i realizuar nga Blerina Kllokoqi Rugova është mjaftueshëm i thjehtë dhe i koklavitur sa të duket mirë. Ka jakë këmishe, është i shkurtër, kopsa në gjithë gjatësinë, xhepa në gjoks, material të butë dhe një lule gjigante në shpatull nga i njëjti material. Kjo ishte hera e parë.
Herën e dytë, Luana porositi të njëjtin fustan nga dizajnerja e saj e preferuar, por kësaj here në ngjyrë të verdhë neon. Fustani hijeshoi skenën e koncertit të 15-vjetorit të Digitalb në sheshin Skënderbej. Në të dyja rastet, këngëtarja e kombinoi fustanin me çizme mbi gju, syze të mëdha me xhama të çelët dhe flokë të fryrë.
Hera e tretë ishte në Gjakovë, pak ditë më parë. Kësaj here bëhet fjalë për një variacion të fustanit, po nga Kllokoqi Rugova. Në vend të kopsave ka zinxhir, mungon jaka e këmishës dhe materiali i përngjan lëkurës. Lulja në shpatull mbetet e paprekur.
Veshja e një fustani, a dizenjoje si në këtë rast, disa herë, nuk është aspak e pazakontë mes artistëve që bëjnë turne në qytete a shtete të ndryshme. Krijon një imazh dhe i siguron performuesit se do të ndihet njësoj në skenë kudoqoftë, sepse praktikisht po vesh të njëjtën veshje.
Gjithashtu, mund të argumentohet se Luana dhe këngëtarë të tjerë që veshin të njëjtën gjë në turne, e bëjnë që t’u sigurojnë fansave një përvojë të njëjtë ose të paktën të përngjashme.
