Dihen prej shekujsh se si janë e si kanë qenë marrëdhëniet e shqiparëve me serbët, ndaj është e vështirë të gjesh ndonjë serb që jeton në vendin tonë, por kjo nuk do të thotë se nuk ka të tillë.
Kështu, Nikola Ristic është një 24 vjeçar, i cili jeton dhe punon prej dy vitesh në vendin tonë.
Teksa flet për Ervis Dogjanin, ai thotë se Shqipëria i dha mundësinë për të takuar shqiptarët dhe zakonet e tyre.
Ai shton se disa shqiptarë tani janë miqtë e tij të mirë. Nikola tregon se filloi të mësonte gjuhën shqipe dhe të eksploronte këtë vend, i cili për shumë kohë kishte qenë i izoluar.
Tërheqja në mjedisin e ri nuk ishte e vështirë për të. Sipas djalit, problem është fakti se në Serbi të gjithë rriten me paragjykime për Shqipërinë dhe shqiptarët.
Këto paragjykime kanë shumë të bëjnë me të gjithë ne. Ishte sfiduese për mua të mos i lejoja ato paragjykime të ndikonin në imazhin tim të jetës këtu. Në të njëjtën kohë, ishte gjithashtu një mësim i madh për mënyrën se si duhet të kuptojmë njerëzit që nuk i njohim mjaft.
Ai ka ndërmend të qëndrojë në Shqipëri për një kohë të gjatë, por nuk i dihet asnjëherë.
