Në ditën që babai i saj u dënua me burgim të përjetshëm, plus 30 vite, vajza e El Chapo-s përuroi në Meksikë një dyqan me veshje dhe aksesorë të gjitha të vulosura me emrin e babait të saj.
Alejandrina Guzman Salazar zyrtarisht nisi këtë aktivitet, pasi e kishte deklaruar që më parë, duke futur në koleksionin e dyqanit të saj përveç veshjeve, edhe kapele, aksesorë për të hapur verën, si dhe rripa të realizuar nga të burgosurit.
Marka zyrtare quhet Chapo 701 dhe dyqani i parë është hapur në Guadalahara. Vetë Alejandrina nuk ishte e pranishme, por dyqani ishte plot me njerëz që donin të provonin dhe vishnin bluza e xhupa të loguara El Chapo.
Edhe bashkëshortja e trafikantit famëkeq, Emma Coronel Auispuro, pati deklaruar se do të hapte regjistronte një biznes të ngjashëm në Shtetet e Bashkuara të Amerikës, por projekti ende nuk është konkretizuar.
