Instagram vjen me një risi, e cila është duke u eksperimentuar në disa vende të botës. Rrjeti i fuqishëm po fsheh numrin e like në postimet e përdoruesve, në disa vende si Australia dhe Japonia.
E gjithë kjo po bëhet për të reduktuar presionin dhe për të mos cënuar vetëvlerësimin te përdoruesit.
Momentalisht Instagrami e tregon numrin total të like që ka marrë një postim, ndërsa me këtë risi do të duket vetëm emri i një prej ndjekësve që e kanë pëlqyer dhe pjesa tjetër do të quhen thjesht të tjerë, pa treguar numrin apo emrat e njerëve që e kanë pëlqyer. Ndërsa çdo përdorues mund ta shohë numrin e pëlqimeve që ka arritur postimi i tij.
Kjo risi do të eksperimentohet fillimisht në vende si Australia, Zelanda e Re, Irlanda, Italia, Japonia dhe Brazili, më pas në të gjithë botën. Jo të gjithë njerëzit janë të lumtur për këtë risi, duke qenë se për disa është shumë e rëndësishme që numri i like të jetë i dukshëm për të tjerët.
Për shembull, influencuesëve, që paguhen për numrin e like që merr një postim, do tu vështirësohet paksa puna, duke qenë se reklamapaguesit nuk mund ta masin sukesin e një postimi.
