Ajo është një nga gazetaret më të njohura të ekranit dhe medias shqiptare dhe fakti që është shpesh protagoniste me çështjet që në fokus kanë profesionin e saj, e kanë distancuar disi nga deklaratat më personale apo ato që lidhen direkt me bashkëshortin apo vajzën.
Rudina Xhunga, është gazetarja që bën rrallë dalje mediatike në studio televizive apo revista ku shprehet përmes intervistave, por këtë herë ka bërë përjashtim nga rregulli. Si e ftuara speciale në My Living, gazetarja e njohur e ka hequr petkun e gazetares dhe ka preferuar që të rrëfehet edhe për gjëra më personale.
Ka një detaj që i kuriozon në masë thuajse të gjithë njerëzit, çështja e fëmijës dhe planet për zgjerimin e familjes. Sidomos tek personazhet publik, si edhe në rastin e Rudina Xhungës. E pyetur nga moderatorja e emisionit si si i kanë planet për një fëmijë të dytë, pas vajzës së parë Alanës. Po tjetrin kur do e bëni, e ka ngacmuar prezantuesja Rudinën, ndërsa kjo e fundit i është përgjigjur hapur. Nuk do të ketë një fëmijë tjetër. E kemi mbyllur me Alanën, tha ajo.
Po vetë vajza e Rudinës çfarë mendon për këtë çështje? Në fillim donte dhe e kishte me qejf, por tani ka hequr dorë dhe ajo dhe nuk diskutohet. Ndonjëherë kur unë kam shumë bark, si sot përshembull, më thotë Mendoj që je shëndoshur. Po pse?, i them unë Mund të kem një beb, Jo nuk e besoj më thotë, është shprehur kështu gazetarja e njohur.
