Këshilli Bashkiak i Elbasanit i dha titullin Qytetare Nderi infermieres Arzie Sadiku Për kontributin e dhënë në fushën e infermierisë.
Arzie Sadiku për 48 vite me radhë u shërbeu pacientëve të saj dhe nuk ka familje në Elbasan që të mos ketë ndjerë praninë dhe kontributin e saj.
Titulli Qytetare Nderi, ju dha nga Kryetari i Bashkisë Qazim Sejdini dhe Kryetari i Këshillit Bashkiak Altin Idrizi.
Vetë infermierja e emocionuar falenderoi të gjithë ata që në këto vite i kanë qëndruar pranë duke e ndihmuar të rritet profesionalisht, sidomos familja.
Arzie Sadiku ishte një nxënëse e shkëlqyer, menjëherë pas shkollës ajo u punësua në spitalin e Elbasanit, punë të cilën do ta vazhdonte gjithë jetën e saj, duke u shquar për përkushtim dhe devotshmëri në kryerjen e detyrës.
