Greta Koçi do rikthehet aty ku nisi gjithçka dhe këtë lajm të bukur e zbuloi mbrëmjen që kaloi me disa video të publikuara në InstaStory, ku ajo shfaqet teksa bën prova me një bandë muzikore.
Për të gjithë ata që janë bërë kuriozë, kemi një lajm shumë të mirë. Këngëtarja e dashur e muzikës do t’i rikthehet performancave me formacion live.
Nga ky moment, Greta renditet ndër të paktët artistë shqiptarë që kanë një bandë të vetën, që i shoqëron në çdo performancë muzikore dhe koncert. Greta do të rinisë performancat 100 përqind live dhe të gjithë do keni mundësinë ta dëgjoni teksa performon këngët e saj me bandën që e mbështet.
Kujtojmë se karriera e Koçit ka nisur në një prej ambienteve më të njohura në Tiranën e fillimviteve 2000 House of Art. Aty këngëtarja performonte vetëm live, ndaj edhe u evidentua për vokalin dhe stilin e veçantë në muzikë, çka i hapi dyert e një karriere të gjatë me plot suksese dhe çmime të rëndësishme.
Pas shumë vitesh në skenën e muzikës shqiptare, Greta ka vendosur ta kalojë karrierën e saj në një tjetër stad, duke ju dedikuar vetëm muzikës live, asaj që e ngjiti në maja aty ku qëndron aktualisht falë potencialit të saj vokal dhe punës së palodhur në vit.
