Kontakti i menjëhershëm me ujin e ftohtë duhet shmangur për të eleminuar rrezikun e atakut kardiak. Kjo është një ndër këshillat që radhisin mjekët, pas disa rasteve të përsëritura të paktën në qytetin e Vlorës, ku si pasojë e infarktit humbën jetën 4 persona.
Ataku kardiak u ka marrë jetën 4 personave në qytetin e Vlorës që prej fillimit të këtij sezoni turistik.
Persona të moshuar gjatë kontaktit me ujin e ftohtë kanë gjetur vdekjen e menjëhershme pa lënë as mundësinë që t’ju jepej ndihma e parë.
Për të evituar të tilla raste, mjekët thonë se duhet shmangur kontakti i menjëhershëm me ujin e ftohtë.
Kostela Gecaj Kontakti me ujin e ftohtë të detit bëhet shkak për pësimin e këtyre infarkteve. Është e rekomandueshme që këta persona që vuajnë nga sëmundje kardiake të eleminojnë orët e pikut të diellit dhe të ekspozohen në diell në orët e para të mëngjesit ose në orët e vona të pasdites.
Në Qendrën Shëndetësore 24 orëshe në Zvërnec të Vlorës që prej datës 1 qershor ka pasur 15 vizita në ditë.
Mjekja, Kostela Gecaj, nënvizon se mes tyre ka pasur edhe raste me rrezik për jetën, të cilat janë evituar në kohë.
Kostela Gecaj Kemi pasur shok anafilaktik, që është një gjendje urgjente. Duhen marrë masa të menjëhershme dhe duhet trajtuar në mënyrë të shpejtë. Ne e kemi të gjithë bazën materiale për ta dhënë ndihmën dhe nuk ka qenë e nevojshme transportimi në spital.
Shmangia e qëndrimit në diell gjatë orëve të pikut mbetet ndër këshillat kryesore të mjekëve.
