Supermodelja e njohur 46-vjeçare Heidi Klum është martuar në fshehtësi me Tom Kaulitz. Ish prezantuesja e show televiziv Project Runway dhe kitaristi 29-vjeçar i grupit muzikor gjerman Tokio Band, sipas People kanë bërë betimet në muajin shkurt.
Historia e dashurisë së Klum dhe Kaulitz daton në fillim të vitit 2018. Muzikanti i propozoi Klum më 24 dhjetor të 2018 e kjo është martesa e tretë për modelen dhe e dyta për 29 vjeçarin.
Heidi Klum më herët ka qenë e martuar me stilistin Ric Pipino në vitet 1997-2002, pastaj u martua me këngëtarin Seal 3 vite më vonë. Klum dhe Seal kishin zgjedhur që çdo vit të ribënin betimet e tyre të martesës çdo vit në datën e tyre të përvjetorit dhe madje arritën deri aty sa planifikuan të realizonin një shoë televiziv ku ata të mund të jepnin këshilla dhe insipirim për çiftet e tjera. Programi nuk u realizua kurrë dhe dyshja bëri publike ndarjen në Janar të 2012 ndonëse vazhdojnë të jenë prindër të katër fëmijëve.
Pas divorcit me Seal, Klum krijoi një lidhje me badigardin e saj dhe me pronarin e një galerie arti ndërsa u pa për herë të parë me Kaulitz në fillim të 2018 dhe zgjodhën ta bëjnë publike romancën në Cannes AmfAR në maj të 2018. Muzikanti ka qenë gjithashtu i martuar me ish bashkëshorten nga 2015-2018.
Burimet thonë se në dhjetor kur Kaulitz i propozoi Klum ai në fakt kërkoi dorën e ish-modeles te katër fëmijët e saj Leni 15, Henry 14, Johan 12 dhe Lou 10 vjeç.
