Vazhdon turi i takimeve derë më derë për të vendosur fatin e Devollit për 4 vitet e ardhshme.
‘Ne kemi zgjedhur aleancën me njerëzit dhe do të dëgjojmë çdo shqetësim, të çdo banori të Devollit, të keq qeverisur për vite me rradhë.Nuk ka më kohë për të humbur, Devolli duhet të ndryshojë.’
Kështu shprehet kandidati për bashkinë e Devollit, Eduart Duro.
Kjo bashki është e veçantë sepse garojnë 4 kandidatë, ndyshe nga shumë qytete të Shqipërisë.
Mesa duket fakti që opozita nuk do marrë pjesë në zgjedhje nuk ka ndikuar tek qytetarët devollinj. Ndoshta ata kanë ngelur të pakënaqur nga qeverisja e demokratëve dhe kanë nevojë për risi.
Duro u shpreh se mbështetja e dhënë nga devollinjtë e shtyn akoma më shumë të punojë për çdo të qëllim të mirë të përbashkët. Duro u kërkon votbesim qytetarëve për të zhvilluar Devollin.
