Lahemi, fshihemi sa për të thënë dhe vazhdojmë jetën pa menduar se bëmë një gafë që mund të shoqërohet me kosto shëndetësore. Aq më teper tani në verë, që dushet janë më të shpeshta dhe lagështira në trup duket sikur na lehtëson.
Gjithsesi, të vishesh para se të thahesh tërësisht nuk është ideale për shëndetin vaginal. Të veshësh të brendshmet pa u tharë siç duhet në zonën intime është si ta kërkosh vetë një infeksion vaginal mykotik.
Myku ka tendencën të shumohet në ambjente të lagështa, prandaj infeksionet mykotike shfaqen përgjithësisht gjatë muajve të verës, kur femrat nuk thahen mirë pas larjes në plazh apo pas akumulimit të djersës.
Sipas mjekëve, të gjitha femrat kanë myk dhe baktere në zonën intime, por është zhbalancimi i tyre që krijon infeksionet. Nëse nuk keni kohë të thaheni siç duhet, atëherë vijoni të bëni çdo gjë tjetër si veshjen e pjesës së sipërme të trupit apo bërjen e makeupit, përpara se të vishni mbathjet.
