Anna Lika është njohur gjithnjë si një ndër personazhet më karizmatikë dhe të këndshëm të ekranit. E ftuar në Thumb të Aulona Mustës dhe Fatma Haxhialiut ajo ka treguar me humor se tashmë që është 26 vjeç kërkon thjesht një njeri të mirë për të kaluar jetën, ndryshe nga mosha 20 vjeçare kur kishte një listë të gjatë me kërkesa.
Por pse? Sipas saj, nuk ka shumë mundësi zgjedhjeje, sepse meshkujt kanë filluar rrinë shumë me njëri tjetrin. Por a i ka ndodhur që të ketë zbuluar se djali që ka qejf është gay?
“Po më ka ndodhur. Nuk jam zhgënjyer, pastaj u bëmë shumë shokë. Unë nuk e kam shprehur kurrë kur kam dikë qejf.
Kam një metodë timen bëj sikur nuk i kam qejf. Dhe ata më vinë vetë. Ky s’vinte. E pyeta pastaj A kam ndonjë gjë unë personalisht?
Jo tha thjesht ke një gjë që s’më duhet mua. E mirë i thashë, të paktën s’është problem im” përfundoi duke qeshur Anna.
