Një person i dënuar për vjedhje me një vit burg është ekstraduar nga Belgjika . Personi i ekstraduar është, Elidon Kociu nga Memaliaj.
Ai u kap tre ditë më parë nga policia belge dhe ishte i pa pajisur me dokumente qëndrimi. Pasi kanë kryer procedurat e nevojshme e kanë deportuar në Shqipëri . Sapo ai ka ardhur në aeroportin e Rinasit është zbuluar se ai ishte i dënuar për vjedhje në bashkëpunim, ngjarje kjo që ka ndodhur në vitin 2016. Në këtë vit Kociu në bashkëpunim me tre persona të tjerë, vodhën tre lopë në një kasolle në fshatin Mirice.
Për këtë vjedhje të kryer ai ishte dënuar me një vit heqje lirie. Ndërkohë pas verifikimit policia e Rinasit bëri arrestimin e tij dhe pritet që të kryhen procedurat e mëtejshme.
