Deputeti i PS-së, Xhemal Qefalia ka reaguar përmes një postimi në Facebook pasi doli në përgjimet e tjera që publikoi gazeta gjermane ‘Bild’ mbrëmjen e djeshme.
“Xhevahire nga Dibra. Se lloqe Kavaje nuk shkon!
Të përgjosh dhe ta quash krim elektoral pse flet në telefon me një shok fëmijërie dhe shkolle madje ky shoku nuk është as kriminel as person pa integritet, por është ushtarak , oficer kariere!!!
Mirë që ligjet dhe institucionet nuk i njohin por këto kanë filluar të mohojnë dhe marëdhëniet miqësore dhe shoqërore ! Qofshin këto që janë” deklaron ai.
Xhemal Qefalia del në dy episode në përgjime duke folur me shefin e policisë së Dibrës, Robert Ago.
