Nëse ka diçka pa të cilën tani nuk jetojmë dot, është padyshim antidjersa. Mund të na prishë apo rregullojë punë në çdo orë të ditës. Pak nga ne e dinë, por a e dini që shumica e njerëzve bëjnë gabim në vendosjen e antidjersës?
E dinit se antidjersa duhet vënë natën, para gjumit?! Kështu siç e lexuat, nëse doni të vini erë të mirë, e mësuat ç’duhet të bëni.
Shumë njerëz nuk e dinë se që antidjersa të jetë efektive gjatë gjithë ditës, ajo duhet vënë në mbrëmje.
Kjo sepse ajo funksionon duke u vendosur si një tapë në gjendrat e djersës. Këto tapa limitojnë sasinë e djersës që del në sipërfaqe të lëkurës dhe në mënyrë që ato të formohen, u duhet pak kohë. Në mbrëmje, temperatura e trupit është më e ulët prandaj kushtet e formimit të këtyre tapave janë më të favorshme.
Disa prej jush mund të thonë se nuk dalin dot nga shtëpia pa bërë një dush në mëngjes. Mos u shqetësoni sepse antidjersa do ta bëjë punën e saj edhe pas dushit të mëngjesit duke qenë se pjesa më e madhe e tyre zgjesin edhe më shumë se një ditë.
Lidhur me shqetësimin se mbajtja e antidjersës për kaq shumë kohë nuk është diçka e këshillueshme për shkak të toksinave, studime të shumta kanë treguar se antidjersat janë të sigurta.
