Kosova dhuron një tjetër mbrëmje spektakolare, duke fituar 3-2 në transfertën ndaj Bullgarisë. Një mbrëmje magjike në Sofje që ka dhuruar shumë emocione deri në sekondat e fundit.
Dardanët do të gjenin të parët rrugën e rrjetës me Rashicën, që përfitoi nga një përgjumje e mbrojtjes vendase. Në fundin e pjesës së parë Bullgaria barazoi rezultatin me Popov. Në fillimin e fraksionit të dytë vendasit marrin zemër dhe shënon edhe golin e dytë me Dimitrov, i cili shënoi me kokë pas një goditje nga këndi.
Kosova reagoi pësimit të golit të dytë, duke arritur që të barazojë rezultatin. Në minutën e 64-t, Kololli shërben mjaft mirë për Vedat Muriqin, i cili me një goditje me kokë arrin që të shënojë, duke gëzuar dardanët.
Futja në fushë në minutat e Rashanit për Kosovën i dha një tjetër ritëm ndeshjes. Në minutën e 3-të shtesë, ai shënoi një gol të bukur me kokë.
Spanja ka arritur që të marrë një fitore minimale 3-0 ndaj Suedisë, me një gol të shënuar nga Sergio Ramos nga pika e bardhë në minutën e 64-t, si dhe Moratës e Oyarzabal.
Në ndeshjet e tjera spikat fitorja e Austrisë 4-1 ndaj Maqedonisë së Veriut, Polonia mundi 4-0 Izraelin, ndërkohë që Danimarka mundi 5-1 Gjeorgjinë. /R.Lika-Koha Jone/
