Kastriot Dermakut i skadon kontrata me klubin italian Cosenza që garon në ligën e dytë të Italisë, ka oferta edhe nga Turqia por ai është nisur drejt Parma Calcio në Seria A, transmeton Gazeta Metro.
Ka shqiptarë të tjerë në Serie A që po tregojnë rezultate të mira, atyre do të ju shtohet edhe një si duket. Mediat italiane shkruajnë se mbrojtësi impozant i qendrës së ekipit të Cozenca që garon në Serie B është afër marrëveshjes me klubin e futbollit Parma në Serie A. Kastriot Dermaku pati një sezon të mirë në Cosenza ku luajti të gjitha ndeshjet si startues e shënoi 1 një gol dhe bëri dy asistime. Ai luajti në 32 paraqitje me fanellën e klubit Cosenza.
Ai qëndroi me Cosenza dy vite, me të cilët nënshkroi kontratë më 2017’në e cila i skadon në gusht të këtij viti. Ai erdhi nga klubi italian Empoli si transfer i lirë, nga aty u huazua dy herë në klube tjera italiane edhe pse ishte menduar se do të zëvendësonte yllin e ri italian, Daniele Rugani, që shkoi drejt kampionëve Juventus. Kastriot Dermaku e ka mundësinë të dëshmohet në nivelin më të lartë të futbollit italian tani me Parma Calcio.
Kastriot Dermaku është pjesë e kombëtares së Shqipërisë edhe pse është paraqitur vetëm dy herë si zëvendësues. Ishte edhe pjesë e kombëtares së Kosovës por ndërroi mendjen kur u zgjodh si rezervist, ku i pakënaqur shkoi drejt kombëtares shqiptare.
