Ashtu si trendet e veshjeve, edhe ato të make up-it ndryshojnë vazhdimisht dhe ne jemi këtu për t`ju njohur me trendet më të fundit. Ky është padyshim viti i eksperimentimit me ngjyra të guximshme në grim. Megjithatë, mes ngjyrave të ndezura, këtë sezon ngjyra e buzëkuqit që do të mbizotërojë është bluja. Një ngjyrë që kërkon vetëm guxim dhe dëshirë për të eksperimentuar!
“Buzët blu janë argëtuese. Është si të hysh në një tjetër karakter kur përdor buzëkuqin blu. Nuk ekzistojnë udhëzime për ta përdorur, thjesht duhet të kesh vetëbesim kur e vendos, pasi s`ka dyshime që do të vihesh re”, -është shprehur Sir John, grimieri i Beyonce dhe shumë yjeve të tjerë.
Kështu që, gjithçka që duhet të bëni është të merrni me vete buzëkuqin blu dhe vetëbesimin! 😉
