Reshjet intensive dhe temperaturat e ulëta për stinën kanë sjelle shume probleme në bujqësi, veçanërisht në pjekjen e qershive.
Fermerët e Dvoranit, fshat që njihet për sipërfaqet mjaft të mëdha të pemëtoreve me qershi, thonë se këtë vit moti me shi u ka sjellë dëme.
Specialistët e mbrojtjes së bimëve thonë se lagështira dhe i ftohti po i çojnë frutat drejt kalbëzimit
Situatë krejt e ndryshme në veri. Kultivuesit e qershisë në Klos, nuk ankohen për shumë dëme. Ata ngrenë si problem vetëm mungesën e tregut.
Edhe fermerët e fshatit Orenjë në Bashkinë Librazhd ankohen se u janë dëmtuar të mbjellat.
Kushtet atmosferike të këtij viti kanë qenë fare të papërshtatshme për bujqësinë. Të mbjellat janë prishur, ndërsa fermerët gjenden në vështirësi.
