Çdo prind dëshiron të ketë një fëmijë të zgjuar dhe të suksesshëm për të cilin të jetë krenar. Kjo bën që prindërit të bëjnë gjithçka munden për t’u siguruar që fëmija i tyre të ketë më së shumti mundësi për të shkëlqyer në të ardhmen. Por a e dinit se me këtë çështje ka të bëjë “më shumë” dita dhe muaji kur ka lindur fëmija?
Në bazë të listës së publikuar nga Forbes për njerëzit më të pasur në botë, shumica e këtyre miliarderëve janë të lindur në mes të muajve janar dhe shkurt .
Sipas faqes “Gocompare”, më shumë se 22% e njerëzve më të pasur në botë kanë lindur në mes të 22 dhjetorit dhe 28 shkurtit. Kjo do të thotë që të gjithë këta njerëz ndajnë diçka të përbashkët: ata janë ose një Bricjap ose një Ujor në shenjën e tyre të horoskopit.
Fëmijët që janë të shenjës së Ujorit ose Bricjapit kanë më shumë gjasa që të jenë pak më të vjetër se moshatarët e tyre të vitit shkollor. Kjo pra tregon se këta fëmijë janë të lindur më herët kështu që janë pak më të pjekur se pjesa tjetër e fëmijëve. Ata trajtohen si udhëheqës. Dhe mund t’i marrin pak më lehtë gjërat në shkollë, pasi ata kanë pasur kohë të rirten pak më shumë se shokët e klasës.
Nga ana tjetër fëmijët e lindur gjatë muajve të fundit të vitit e kanë të vështirë të arrijnë një shkallë të lartë. Këta fëmijë kanë tendencë për të fituar shuma të konsiderueshme më të ulëta të të ardhurave deri në moshën 30 vjeç, krahasuar me fëmijët e lindur më herët gjatë vitit.
Studimet thonë se nxënësit më të rritur në klasë kryejnë dukshëm detyrat më mirë se bashkëmoshatarët e tyre më të vegjël. Megjithatë në fund të ditës, kjo është vetëm një teori. Suksesi i fëmijëve varet nga mënyra se si ushqehen dhe si rriten nga prindërit e tyre. Por nëse jeni një njeri që beson në teori të tilla dhe mendoni se provat janë më se të mjaftueshme për t’i besuar këto gjëra, mund të siguroheni që fëmija juaj të lindë në fillim të vitit, në mënyrë që të jetë më i rrituri në klasën e tij./BURIMI ”PËR NËNAT”
living.al
