Me siguri që pas kualifikimit për në natën finale të Eurovizionit, kjo mund të jetë surpriza dhe dhurata më e bukur që Jonida Maliqi ka marrë gjatë këtyre ditëve të qëndrimit në Tel Aviv. Kanë qenë pikërisht, njerëzit më të ngushtë të familjes së saj, e ëma Arta, e motra, mikesha e ngushtë që të gjithë e njohim Jona Hadëri, e disa nga bashkëpunëtorët më të mirë të artistes që e kanë surprizuar atë pikërisht kur nuk e priste…I kanë shkuar në Izrael dhe kanë vendosur që të jenë pranë saj në momentet ndoshta më emocionuese në gjithë karrierën si artiste.
Sot, Jonida Maliqi do të ngjitet e dyta në skenë e madhe europiane të këngës për të performuar “Ktheju tokës”, këngën që na çoi në finalen e këtij kompeticioni kaq të rëndësishëm muzikor.
Por, mes miqsh të ngushtë, familjarët e bashkëpunëtorët më të mirë, artistja do ta ketë më të lehtë çdo emocion që e bën drithërues eksperiencën në skenën e madhe të “Eurosong 2019”!
